Mbrëmjen e së shtunës, qytetarët kanë vërshuar sheshin qendror të Shkupit për të ndjerë atmosferën e festave të fundvitit, shkruan gazeta LAJM. Numri i lartë i të infektuarve me koronavirus, nuk i ka penguar që të dalin për të parë stolisjen e qendrës në prag të Vitit të Ri. Ekipi i gazetës LAJM ka filmuar turmat e njerëzve. Ata që pranuan të flasin para kamerës, thanë se nuk frikësohet pasi mbajnë maska dhe respektojnë masat për mbrojtje nga koronavirusi. Ndërkohë, nga dita e hënë do të ketë mbledhje Komisioni për sëmundje ngjitëse dhe do ta shqyrtojnë gjendjen epidemiologjike, ndërsa më pas mundet që të japin rekomandim për masa të reja restriktive, /Gazeta LAJM
