Kumanova konsiderohet si komuna më e korruptuar nga qytetarët e saj, kurse Gostivari si më pak e korruptuar. Kështu tregon anketa e realizuar nga ADI, ku janë përfshirë pesë komuna në Maqedoninë e Veriut. Më poshtë u sjellim një pjesë të këtij hulumtimi, si dhe tabelën që tregon radhitjen e komunave: Shumica dërrmuese e të anketuarve në pesë komuna, besojnë se korrupsioni është rritur ndjeshëm në 10 vitet e fundit30; 41.4% e të anketuarve vlerësojnë rritjen e korrupsionit me një rezultat maksimal prej 7 (nga shkalla 1-7); shtesë 13.4% me notë 6, dhe një tjetër 26.6% me notë 5. Më pak se 20% e qytetarëve janë në anën e majtë të shkallës (nga nota 1 deri 4). Përfundimi është i qartë. Pjesa dërrmuese e të anketuarve nga këto pesë komuna, besojnë se korrupsioni është rritur ndjeshëm në dekadën e kaluar. Tab / graf 2. Jep notën mesatare nga shkalla 1-7 sipas komunës. Siç mund të shihet, rezultatet variojnë nga 5.01 në Gostivar deri në 5.94 në Kumanovë, që do të thotë se përgjigjet janë përqendruar në këndin e djathtë të shkallës. Me fjalë të tjera, pak qytetarë kanë thënë se korrupsioni është rritur pak. Shumica e tyre mendojnë se është rritur shumë. Ekzistojnë disa ndryshime të rëndësishme statistikisht mbi këtë çështje bazuar në variablat kryesore të pavarura, përkatësisht: Në bazë të komunës, ekzistojnë disa ndryshime midis të anketuarve nga komuna e Gostivarit dhe katër komunave të tjera; Në përgjithësi, qytetarët e komunës së Gostivarit më butë e kanë vlerësuar rritjen e korrupsionit, krahasuar me komunat e tjera, por ndryshimi nuk është i madh. Është statistikisht e rëndësishme, por marrëdhënia është e dobët (Cramer’s V = .149). Kjo do të thotë që komuna e vendbanimit ka shumë pak ndikim në këtë qëndrim të qytetarëve. 30 Në pyetjen “Sa është rritur?”, Të anketuarit dhanë përgjigjet e tyre nga shkalla 1-7, ku 1 = shumë pak, dhe 7 = shumë. Burrat janë më të prirur sesa gratë të thonë se korrupsioni është rritur shumë; 46.4% e burrave kanë dhënë notën 7, krahasuar me 36.7% të grave. Dallimi është statistikisht i rëndësishëm, por marrëdhënia është e dobët (p <.05, Cramer’s V = .179). Njerëzit e moshuar kanë më shumë gjasa të besojnë se korrupsioni është rritur shumë; 61.1% e qytetarëve të moshës 60 vjeç e lart kanë dhënë notën 7, përkundrejt 32.9% të qytetarëve të moshës 18-29 vjeç. Dallimi ka një rëndësi të fortë statistikore (p <.001), por korrelacioni është me intensitet të ulët (Cramer’s V = .179).
