Qeveria e Republikë së Maqedonisë së Veriut në seancën e sotme me propozim të Ministrisë së Financave ka vendosur që të mbyllen objektet e basteve në të gjithë territorin e vendit. Me vendimin e qeverisë bastet do të realizohen vetëm “online” . Pritet që shteti nga bastet “online” të mbledhë deri në 50 milion euro në vit. Sa i përket sigurisë së basteve dhe pagesave, duke pasur parasysh se në shumë raste kemi të bëjmë me kompani “offshore”, burimet tona thonë se kjo do të rregullohet përmes garancisë bankare.
