Presidenti rus Vladimir Putin tha të dielën se ministria ruse e mbrojtjes po punonte në mënyra të ndryshme për t’u përgjigjur nëse Shtetet e Bashkuara dhe aleatët e saj të NATO-s ndihmojnë Ukrainën të godasë thellë Rusinë me raketa perëndimore me rreze të gjatë.
Lufta në Ukrainë ka shkaktuar konfrontimin më të madh midis Rusisë dhe Perëndimit që nga thellësia e Luftës së Ftohtë dhe zyrtarët rusë thonë se lufta tani po hyn në fazën e saj më të rrezikshme.
Rusia u ka sinjalizuar Shteteve të Bashkuara dhe aleatëve të saj prej javësh se nëse i japin leje Ukrainës për të goditur thellë territorin rus me raketa të furnizuara nga perëndimi, atëherë Moska do ta konsiderojë atë një përshkallëzim të madh, raporton Reuters, transmeton Klankosova.tv.
Putin tha më 12 shtator se miratimi perëndimor për një hap të tillë do të nënkuptonte “përfshirjen e drejtpërdrejtë të vendeve të NATO-s, Shteteve të Bashkuara dhe vendeve evropiane në luftën në Ukrainë”, sepse infrastruktura ushtarake dhe personeli i NATO-s do të duhej të përfshihej në shënjestrimin dhe gjuajtja e raketave.
