Donald Veshaj vazhdon të komentohet jashtëzakonisht shumë.
Së fundi ai bashkë me vëllaun e tij binjak, Romeon kanë marrë vëmendje të madhe me emisionin e tyre më të ri, shkruan lajmi.net.
“Më lër të flas”, titullohet emisioni i tyre që ka nisur këtë të premte.
Mes shumë shakave dhe bisedave me të ftuar specialë, dyshja zhvilluan edhe një lojë mes vete.
I detyruar, Donaldit iu deshtë të përgjigjej se cila është moderatorja e tij e preferuar në ‘Top Channel’.
Ai hezitoi të përgjigjet duke marrë parasysh faktin që nuk mund ta thoshte publikisht emrin e ish-të dashurës së tij, Bora Zemani, e cila është prezantuese e një formati në TCH.
Megjithatë ai zgjodhi të pranojë atë që ishte shkruar në një nga kartat e shpëtimit ku deklaronte: Pranoj që kënga ime e fundit është dedikim për dikë që punon në Top Channel – në rregull.
Kështu Donaldi sikur pohoi se kënga e tij e fundit “Nuk je” është dedikim për prezantuesen Bora Zemani, duke dëshiruar rikthimin me të.
Ndërkohë kujtojmë se ai gjatë qëndrimit në shtëpinë e “Big Brother VIP” kishte krijuar një lidhje të re me këngëtaren Beatrix Ramosaj, e cila përfundoi pas mbarimit të spektaklit.
