Marcus Thuramit iu hoq një shall i Interit gjatë testeve mjekësore me Nerazzurrët të martën, pasi klubi nuk dëshiron që lojtarët e rinj të veshin ngjyrat e tyre përpara se të kryejnë kontrollet.
Thuram nënshkroi të martën kontratë deri në qershor 2028 , pasi iu nënshtrua ekzaminimeve mjekësore me gjigantët e Serisë A.
Reprezentuesi francez përfundoi pjesën e dytë të kontrolleve në CONI pasdite dhe kur ishte gati të hynte në godinë, një anëtar ultras i vendosi një shall të Interit në qafë.
Mirëpo, ai u hoq shpejt nga një person, me gjasë që punon për Interin, i cili dukej tejet i mërzitur.
Siç shpjegohet nga FCInterNews, është një kërkesë direkte e klubit, e cila ishte e vlefshme jo vetëm për Thuramin por çdo nënshkrim të ri.
Interi, në fakt, nuk dëshiron që lojtarët e ardhshëm të veshin ngjyrat Nerazzurri përpara se të kryejnë ekzaminimet mjekësore.
Për më tepër, ata duan të jenë të parët që publikojnë imazhet e lojtarëve me ngjyrat e zeza dhe blu, kështu që Thuram mbajti shallin e klubit vetëm për disa sekonda para se të vazhdonte ekzaminimin e tij mjekësor.
Interi pritet të njoftojë nënshkrimin e tij sot, e mërkurë, 28 qershor.
