Pasditen e djeshme, qytetarët e Koçanit dolën në protestë në lagjen Trajanovo Trllo për shkak të konfiskimit të automjeteve të tyre nga policia, pasi i kishin drejtuar pa leje drejtimi. Incidenti pasoi menjëherë pas protestave të ngjashme në rrugën Manastir–Resnjë, raporton Radio Koçani.
Në rrugën “Cvetan Dimov”, protestuesit dogjën goma, duke shkaktuar një ndërhyrje të shkurtër, por të tensionuar të policisë dhe zjarrfikësve. Zjarri u shua shpejt dhe protesta përfundoi pa vazhdimin e bllokadës.
Institucionet kompetente theksojnë se një mënyrë e tillë e shprehjes së pakënaqësisë konsiderohet shkelje e rendit dhe qetësisë publike dhe mund të trajtohet si vepër penale, me paralajmërimin e procedurave përkatëse kundër organizatorëve.
Protestat tregojnë një rritje të pakënaqësisë tek qytetarët për shkak të masave të rrepta ndaj drejtimit të automjeteve pa leje, por autoritetet bëjnë thirrje që konfliktet të zgjidhen përmes rrugëve ligjore.
