Të afërmit e disa prej atyre që besohet se mbahen ende në Gaza nga Hamasi kanë organizuar një demonstratë në Tel Aviv mëngjesin e sotëm, duke bllokuar përkohësisht një rrugë.
Bar Peleg i Haaretz raportoi se rreth 40 të afërm bllokuan një autostradë, ndërsa mbanin pankarta ku thuhej “Ne i duam ata të gjallë, jo në arkivole”, raporton The Guardian.
Rreth 134 izraelitë besohet se ende mbahen robër brenda Gazës, megjithatë nuk është e qartë se sa prej tyre janë ende gjallë.
