Ka përfunduar aksioni i Policisë së Kosovës për subvencione tek Agjencia për Zhvillimin e Bujqësisë.
Siç raportohet, janë arrestuar shtatë persona, shkruan lajmi.net.
Policia e Kosovës ndërkaq ende nuk ka dalë me deklaratë zyrtare në lidhje me këtë operacion.
Aksioni i sotëm është vazhdim i operacionit të mëhershëm për dallavere me subvencione.
Përveç në Prishtinë, operacioni po zhvillohet edhe në qytete të tjera të Kosovës.
