Vetë fakti që zbatojmë regjistrim pas 20 viteve, është një sukses nga vetvetiu. Bëmë regjistrim me të gjitha rregullat, pohon Presidenti Stevo Pendarovski. Ai shton se nuk bëhet fjalë për një regjistrim më të mirë në historinë e Evropës, por për regjistrim gjatë të cilit janë respektuar standardet më të larta të BE-së. Këtë vlerësim, Pendarovski e bazon jo vetëm në atë që ka dëgjuar gjatë prezantimit të djeshëm të rezultateve, por edhe në bazë të komenteve nga eksperti i angazhuar nga BE-ja. Me kërkesë të gazetarëve që të japë koment në lidhje me ato 7%mqë shkaktuan shumë polemika, Pendarovski me përgjigje se gjithmonë ka polemika, sidomos te ne, në rajonin e Ballkanit ku jemi të përzierë edhe në aspekt religjioz, edhe në atë politik.
“Nuk ekziston regjistrim, aspak, në Evropë edhe më gjerë kush nuk ka numër të caktuar të personave të tillë, do të thotë se nuk janë përfshirë me regjistrimin. Te ne, një pjesë e madhe, 7% e diçka nuk janë përfshirë, për fat të keq, për shkak të bojkotit të subjekteve politike. Është evidente se kjo kishte efekt ndaj sferave të caktuara në shtet. Kuptohet se nuk duhet përjashtuar si fakt shtesë edhe pandeminë”, tha Stevo Pendarovski, president i RMV-së.
