Presidenti i shtetit Stevo Pendarovski duke i uruar pjesëtarët e Armatës, njësitet zjarrfikëse të Koçanit dhe të gjitha institucionet që u përballën mbrëmë me zjarrin në Koçan, sot në profilin e tij në Fejsbuk shkroi se Armata mbetet e gatshme për të ndërhyrë kudo në vend.
“I përgëzoj anëtarët e Armatës, zjarrfikësit nga Koçani dhe të gjitha institucionet që mbrëmë në Koçan u përballën me zjarrin. Banorët e Koçanit u përfshinë në mënyrë aktive në shuarjen dhe në ndihmën e njësive në terren dhe ndihmuan për të shmangur një skenar shumë më të frikshëm. Në periudhën e ardhshme, situata do të monitorohet intensivisht për të parandaluar zjarret në të ardhmen. Armata, në përputhje me urdhrin e djeshëm për të shpallur alarm për të gjithë përbërjen, mbetet e gatshme të ndërhyjë kudo në vend”, shkroi presidenti Pendarovski në Fejsbuk.
