I dyshuari për spiunazh që është arrestuar para tri ditësh nga Policia, Fatmir Sheholli, është shtruar në Spitalin Rajonal të Gjilanit.
Drejtori i Spitalit Rajonal të Gjilan, Afrim Cana, ka thënë për KOHËN se ai po merr trajtim që nga e shtuna, pasi ka ardhur me disa ndryshime në gjendjen shëndetësore.
“Pacienti është pranuar dje (11.10.2025) ka ardhur me disa ndryshime në shëndet. Pas kontrolleve që i ka bërë në Emergjencën në Gjilan, ai është i hospitalizuar në Spital të Gjilanit ku edhe është duke u trajtuar”, ka thënë Cana.
Ai ka shtuar se Sheholli është ekzaminuar në tërësi dhe gjendja e tij është duke u përcjell.
Arrestimi i Shehollit ndodhi të enjten në regjionin e Prishtinës me asistencë të Agjencisë Kosovare për Inteligjencë.
