Në emergjencën e Podujevës një ish ushtar i UÇK-së, iu ka nënshtruar operimit të largojë një copëz granate, që në trup po e mbante tash e 22 vite.
Doktori Muhamet Hoti tregon për T7 për këtë intervenim, dhe pjesën se çfarë bëri ish-ushtari me copëzën e granatës.
Intervenimi është kryer në Emergjencën e Podujevës. Ish-ushtari i UÇK-së, mori copëzën e granatës ta ruaj si kujtim
Raste urgjente kanë shumë, por para pak ditësh në Emergjencën e Podujevës e patën një pacient më të veçantë.
Një ish-ushtar i Ushtrisë Çlirimtare të Kosovës nga Podujeva pati reaksione të një plage e cila ishte familjarizuar me trupin e tij për 22 vite.
Ai mbante një copëz të granatës që nga koha e luftës.
Doktori Muhamet Hoti i cili ka kryer intervenimin ka treguar për rastin.
I njëjti u shfaq në spital vetëm kur dhimbjet nga kjo plagë iu shfaqën.
Sipas Hotit ky intervenim u krye me anestezion lokal dhe ndërhyrja rezultoi e suksesshme.
Por ndonëse copëza e granatës iu largua nga trupi, ky ish-ushtar i UÇK-së zgjodhi që të mos qëndrojë shumë larg prej asaj pjese.
Mes tjerash doktori bëri të ditur se trupi i njeriut familjarizohet me trupa të huaj andaj kjo granatë ka qëndruar për një kohë kaq të gjatë.
