Partia malazeze do të paguajë dënimin e Jovanoviqit që u arrestua në Gazimestan

Ai u arrestua nga njësitet speciale të Policisë së Kosovë, pasi që u dëgjua duke bërtitur thirrje nacionaliste dhe kërcënuese.

Pagesën për dënimin e tij nga gjykata në Kosovë, e ka marrë përsipër partia më me ndikim në pushtet në Mal të Zi, Fronti Demokratik, të cilët do të paguajnë shumën prej 6 mijë e 700 euro për lirimin e Jovanoviqit.

Kjo është konfirmua për Tanjug nga një nga udhëheqësit e asaj aleance, Andrija Mandiq.

Duke e arsyetuar vendimin në fjalë, gjyqtarja Vlora Pacolli-Rexhepi tha gjatë seancës së të mërkurës kur edhe u mor vendimi se Jovanoviq është dënuar pasi është dëgjuar duke bërtitur “Vrite shiptarin”, “Ne do ta lajmë Kosovën me gjak”, “Kosova është Serbi”.

Por serbi, shtetas i Malit të Zi, nuk do të mbetet për gjashtë muaj prapa grilave kjo për shkak se ai në këmbim të këtij dënimi pranoi të paguajë 6.700 euro.

Ndërkohë me një vendim plotësues gjykata urdhëroi dëbimin e Jovanoviqit nga Kosova ku do ta ketë hyrjen e ndaluar për pesë vite.

Jovana Filipoviq, avokate e Risto Jovanoviq, tha se do të apelojë vendimin e gjykatës deklaroi po ashtu se shuma dënuese do të paguhet menjëherë në mënyrë që klienti i saj të kthehet “shpejt në shtëpi”.