Presidentja e Kosovës Vjosa Osmani, ka thënë se Kosova ka miq të shumtë në botë.
Osmani tha se këto miqësi vetëm sa do t’i shtojnë dhe thellojnë.
Ajo së bashku me kryeministrin e Kosovës Albin Kurti dhe ministren e Jashtme dhe Diasporës Donika Gërvalla, ishin pjesë e Konferencës së Sigurisë në Mynih.
“Kosova ka miq të shumtë në botë, e këto miqësi vetëm sa do t’i shtojmë e do t’i thellojmë”.
E para e vendit shtoi se gjatë takimeve përçuan mesazhin se Kosova është shembull i shkëlqyeshëm i kontributit për paqe e stabilitet në rajon.
“Ishin tri ditë intensive në Konferencën e Sigurisë në Mynih, ku së bashku me Kryeministrin Kurti dhe Zëvendëskryeministren Gërvalla, diskutuam në një numër panelesh e tryezash dhe takuam përfaqësues të shteteve të tjera dhe të organizatave ndërkombëtare. Në të gjitha këto organizime si dhe takime e diskutime bilaterale, përçuam mesazhin se Kosova është shembull i shkëlqyeshëm i kontributit për paqe e stabilitet në rajon, duke kryer njëkohësisht një sërë reformash brenda vendit të cilat po përkrahen fuqishëm nga qytetarët por edhe nga partnerët ndërkombëtarë”.
