Kina do të marrë masa për të zhvilluar forcat e reja prodhuese cilësore mbështetur te kushtet vendore dhe për të nxitur zhvillimin e të ashtuquajturave industri të reja dhe të ardhshme, sipas një raporti të punës së qeverisë të paraqitur të mërkurën organit më të lartë ligjvënës kombëtar për diskutim.
Këto industri përfshijnë fluturimet hapësinore komerciale, ekonominë e lartësisë së ulët, biomanifakturën, informatikën kuantike, të ashtuquajturën “inteligjencë e mishëruar” dhe teknologjitë 6G. Kina do të përshpejtojë gjithashtu transformimin digjital të industrive tradicionale.
Përveç kësaj, ekonomia digjitale mendohet që do të shtojë gjallërinë e inovacionit, ndërsa Kina nxit më tej nismën e “inteligjencës artificiale plus” që u shpall në raportin e punës së qeverisë vitin e kaluar.
Gjithashtu do të vazhdojë maksimalizimi i shpërndarjes së fuqisë kompjuterike, për të krijuar grupime të industrisë digjitale në gjendje për të qenë konkurruese në shkallë globale.
