Tenisti serb, Novak Djokovic dje bëri një skandal pas ndeshjes së tij në French Open, duke shkruar në ekranin e një kamere: “Kosova është zemra e Serbisë”.
Për këtë shkrim kanë reaguar të gjithë, përfshi këtu edhe Federatat e ndryshme dhe Komiteti Olimpik i Kosovës, shkruan Lajmi.net
Për këtë shkrim Djokovic ka folur për mediumet serbe dhe e ka mbrojtur këtë gjest skandaloz.
“Kosova është djemi ynë, kështjella jonë, qendra e gjërave më të rëndësishme. Ka shumë arsye pse e kam shkruar këtë në kamerë”, u përgjigj Novak Djokovic
Ai po ashtu tha se kjo që bëri dje është më e pakta.
“Unë nuk jam politikan, dhe nuk e kam ndërmend t’i futem politikës. Sigurisht që dhemb shumë ajo çfarë po ndodh në Kosovë. Dhe si i kanë larguar njerëzit tanë nga zyrat komunale. Kjo është gjëja më e paktë që mund të kisha bërë”, vazhdoi tutje 36-vjeçari.
Situata në Veri të Mitrovicës vazhdon të jetë e rrëzikshme për shkak të protestave të shumta./Lajmi.net/
