Policia e rajonit të Tetovës njofton se një banor i fshatit Debresh ka raportuar se në shtëpinë e kushëririt të tij, ka gjetur të vdekur brenda një pusete dajën e tij. Nga Sektori për Punë të Brendshme thonë se është dhënë urdhër për obduksion ndaj trupit të të ndjerit.
“Më 30.01.2026 në orën 18:15, në DPB Gostivar, S.R. nga fshati Debresh ka raportuar se në një pusetë të ndodhur në shtëpinë e kushëririt të tij ka gjetur të vdekur dajën e tij A.Xh.(75). Kontrolli i vendit të ngjarjes është kryer nga prokurori publik dhe policia kriminalistike nga Gostivari. Me urdhër të prokurorit publik, trupi është dorëzuar për obduksion”, thonë nga SPB-Tetovë.
