Në Francë, mes 400 dhe 500 shkolla të mesme pritet të mbeten të mbyllura pjesërisht ose plotësisht për shkak të protestave të nxënësve dhe incidenteve të dhunshme.
Ministri i Arsimit, Édouard Geffray, tha se në këto shkolla kushtet e sigurisë nuk janë të garantuara. 24 shkolla janë dëmtuar rëndë ose janë përfshirë nga zjarri, ndërsa 78 punonjës të arsimit janë lënduar që nga fillimi i protestave.
Protestat nisën në rajonin e Parisit dhe më pas u përhapën në të gjithë vendin. Nxënësit kërkojnë më shumë staf, kushte më të mira mësimore, klasa më pak të mbipopulluara dhe përmirësimin e ndërtesave shkollore.
Situata është përshkallëzuar me përleshje me policinë, zjarre dhe dëmtime të pronës. Autoritetet franceze kanë raportuar rreth 5 mijë arrestime që nga fillimi i trazirave.
