Komuna e Mavrovës Rostushë ka një problem të gjatë me ndërtimin e paligjshëm të objekteve, i cili është rezultat i mungesës së planeve të rëndësishme urbane dhe statusit ligjor të zonave të caktuara. Kandidati i VMRO DPMNE-së për kryetar komune, Oner Jakuposki, thotë se ky është problemi më i madh sa i përket urbanizimit të komunës dhe premton zgjedhje në bashkëpunim me qeverinë.
“Mund të them se nuk kemi pothuajse asnjë plan urbanistik për ndonjë vendbanim në Komunën e Mavrovës Rostushe, i cili në vetvete tregon një neglizhencë serioze të pushtetit lokal të mëparshëm në fushën e urbanizimit. Dhe ai plan që ishte për fshatin Mavrovë u anulua nga Gjykata Kushtetuese. Kur nuk ke plan, nuk ke rregulla loje. Kjo do të thotë se presionet janë edhe më të mëdha. Nuk është një proces i thjeshtë, është një proces mjaft afatgjatë, por duhet të fillosh diku dhe mendoj se jemi në rrugën e duhur për këtë”, tha Oner Jakuposki – kandidat për kryetar të komunës së Mavrovës Rostushe nga VMRO DPMNE
Kandidati për kryetar komuna nga LSDM-ja, Anes Ahmeti thotë se programi i tyre parasheh përgatitjen e planeve urbane për një numër vendbanimesh.
“Patjetër që po përballemi me këtë problem në Komunën e Mavrovës Rostushës. Kemi një numër të madh vendbanimesh që nuk kanë ende plane urbane. Në programin tonë kemi integruar përgatitjen e planeve urbane për një numër të madh vendbanimesh, pasi një pjesë e madhe e territorit nuk mbulohet nga planet urbane. Por është një procedurë që kërkon kohë dhe burime financiare, dhe gjëja më e rëndësishme është derisa Parku Nacional të rishpallet Park Nacional, kjo procedurë do të duhet të presë”, u shpreh Anes Ahmeti – kandidat për kryetar komuna nga LSDM-ja për Komunën e Mavrovës Rostushë.
Zgjidhja e kësaj çështjeje do të ndihmojë shumë turizmin në Mavrovë Rostushë dhe zhvillimin e saj./ Alsat.mk
