Pas një sëmundjeje të shkurtër sot e humbi jetën Viktor Mizrahi, kryetar shumëvjeçar i komunitetit hebre në Republikën e Maqedonisë së Veriut dhe ish-konsull nderi i Izraelit.
Ai mori pjesë aktive brenda dhe jashtë vendit në realizimin dhe ndërtimin e Qendrës së vetme Memoriale të Holokaustit Sefardik të Hebrenjve të Maqedonisë dhe në vendosjen e një memoriali për hebrenjtë e dëbuar maqedonas në mjedisin përkujtimor në Treblinka.
Viktor Mizrahi lindi në vitin 1950 në Shkup në një familje hebreje që humbi njëqind anëtarë pas deportimit fashist bullgar të hebrenjve maqedonas në Luftën e Dytë Botërore.
