Natasha Bedingfield u skuq gjatë performancës në Big Weekend të Radio 1, pasi harroi fjalët e këngës së saj “Pocketful of Sunshine”.
Këngëtarja britanike, e njohur për hitin e saj “Unwritten” nga fillimi i viteve 2000, performoi në skenën kryesore në Liverpool e veshur me një kostum të zi transparent me dantella.
Gjatë këngës, Natasha ndërpreu së kënduari për pak, duke bërë një fytyrë të sikletshme dhe këndoi “ba ba ba” para se të rifitonte vetëbesimin dhe të vazhdonte me refrenin.
Një dëshmitar tha për MailOnline se ishte një moment i sikletshëm, por ajo e pranoi gabimin dhe vazhdoi performancën, ndërsa publiku e mbështeti.
Në nëntor, Natasha zbuloi se kënga “Unwritten”, që e bëri të famshme dhe fitoi nominim për ‘Grammy’, kishte një kuptim të veçantë për të dhe ishte shkruar si një dhuratë për vëllain e saj.
Ajo tregoi se kënga u rikthye në popullaritet vitin e kaluar, veçanërisht në TikTok dhe në filmin “Anyone But You”.
Këngëtarja tha se ndien liri më të madhe krijuese tani, duke kritikuar kontrollin që kompanitë diskografike ushtrojnë mbi artistët, dhe theksoi se për të, muzika, trupi dhe moda janë forma arti që duhet të shprehen lirshëm.
