Gazetari i njohur dhe shumë i suksesshëm shqiptar, Blendi Fevziu, ka disa ditë prej kur është futur në Ukrainë.
Pas futjes së tij atje, në rrjete sociale kanë nisur meme dhe lajme të rrejshme, shkruan lajmi.net.
Edhe pse është më në perëndimin të Ukrainës, në kufi me Poloninë, ky qytet është i mbushur me barrikada të vendosura në të gjitha rrugët, pasi edhe aty rreziku është evident.
Mes shumë fotove të tjera, në rrjetet sociale ka qarkulluar edhe një photoshop i Blendit në ushtrinë e Ukrainës.
Kjo foto është shpërndarë edhe nga vetë gazetarin në faqen e tij zytare në Instagram ku edhe ka reaguar:
“Më në fund mora vesh nga lajmet që jam zënë rob në Ukrainë. Siç e shihni barku nuk lë fare vend për performancë ushtarake. Pa llogarit mungesën e flokëve që bën të të thajë koka nga i ftohti. Gjithsesi zgjidhja më e mirë e luftës do kishte qenë që rusët të dorëzonin vërtet armët dhe të refuzonin të luftonin kundër një vendi me të cilin kanë qenë për vite vëllezër dhe ndaj të cilit po kryejnë një agresion duke shkelur çdo traktat dhe të drejtë ndërkombëtare. Dhe duke marrë njëkohësisht në qafë edhe miliona rusë të thjeshtë që janë kundër kësaj lufte.”, ka shkruar ai.
Gazetari i pranon me sportivitet dhe vendos që t’i ndajë me ndjekësit e tij në rrjetet sociale memet që lidhen me të, duke treguar se e kupton humorin në rrjet dhe se shakatë i merr me pozitivitet./Lajmi.net/
