Mohamed Salah është një nga futbollistët më të mirë të Liverpoolit së paku në dekadën e fundit.
Megjithatë e ardhmja e egjiptianit duket larg Anfield dhe besohet se ai po kalon vitin e tij të fundit me fanellën e gjigantit anglez.
Sipas raportimeve të fundit në mediat angleze, e ardhmja e sulmuesit egjiptian duket se po lidhet gjithnjë e më shumë me Arabinë Saudite, ku disa klube kanë shfaqur interes të madh për të blerë shërbimet e tij.
Me një kontratë deri në qershor 2025, gjithçka tregon se lojtari nuk do të rinovojë me skuadrën angleze, duke hapur derën për një dalje në Lindjen e Mesme pasi të përfundojë sezoni.
Largimi i mundshëm i Salah do të nënkuptonte një humbje të madhe për Liverpoolin, ku ai ka lënë gjurmë të pashlyeshme që nga ardhja e tij në vitin 2017.
Gjatë këtyre viteve, sulmuesi ka qenë një element kyç në suksesin e skuadrës së drejtuar nga Jurgen Klopp, duke qenë vendimtar. në arritjen e titujve si Liga Premier apo Liga e Kampionëve ku në 359 ndeshje deri më tani ka shënuar 217 gola dhe ka asistuar në 94 të tjerë.
Salah synon që të përfitojë një kontratë të pabesueshme në Arabinë Saudite, ku klubet arabe si Al-Hilal, Al Nassr apo Al Ittihad janë të gatshme t’i ofrojnë deri në 200 milionë euro në sezon.
