Autoritetet turke njoftuan se kanë arrestuar 17 persona të kërkuar, përfshirë edhe një shtetas turk në Kosovë, në kuadër të një operacioni të përbashkët me 11 vende evropiane.
M.U., i akuzuar për abuzim seksual me fëmijë, u arrestua në Kosovë dhe u dorëzua në Turqi, kanë bërë të ditur autoritetet turke.
Ministri i Brendshëm i Turqisë, Ali Yerlikaya, përmes një postimi në rrjetet sociale, foli për këtë operacion të madh me Interpolin dhe Europolin.
“Në kuadër të njoftimit të kuq dhe difuzionit të kuq, gjithsej 17 të arratisur – 12 në nivel ndërkombëtar dhe 5 në nivel kombëtar – janë arrestuar dhe sjellë në vendin tonë si rezultat i operacioneve dhe bashkëpunimit me Gjermaninë, Irakun, Azerbajxhanin, Bosnje-Hercegovinën, Bjellorusinë, Gjeorgjinë, Italinë, Kirgistanin, Kosovën, Maqedoninë e Veriut dhe Greqinë”, deklaroi ai.
“Të arratisurit që kërkoheshin ndërkombëtarisht me njoftim të kuq dhe difuzion të kuq janë: İ.F., E.T., A.B., K.B., D.H., Ö.V., M.D., R.Ö., R.Y., M.U., O.Y. dhe İ.D., ndërsa ata që kërkoheshin në nivel kombëtar janë: B.G., M.D., S.T., M.S. dhe H.M.K. Ata janë arrestuar dhe dorëzuar”, shtoi ministri.
Në kuadër të punës së koordinuar nga Drejtoria e Përgjithshme e Policisë, Drejtoria Interpol-Europol, Ministria e Drejtësisë, KOM, Drejtoritë e Inteligjencës dhe Krimeve Kundër Narkotikëve, si dhe Drejtoritë e Rendit, Krimeve Kibernetike, Trafikut të Paligjshëm të Emigrantëve dhe Pikat Kufitare, u realizuan këto arrestime:
M.U., i kërkuar me njoftim të kuq për “Abuzim Seksual me Fëmijë, Privim të Lirisë së Personit”, u kap në Kosovë.
İ.F., i kërkuar me difuzion të kuq për “Importimin e Lëndëve Narkotike”, u kap në Bjellorusi.
E.T., i kërkuar me njoftim të kuq për “Abuzim Seksual me Fëmijë”, u kap në Gjermani.
A.B., i kërkuar me njoftim të kuq për “Tentativë për Vrasje me Dashje”, u kap në Gjermani.
K.B. dhe Ö.V., të kërkuar me njoftim të kuq për “Tregti Lëndësh Narkotike”, u kapën në Gjermani.
D.H., i kërkuar me njoftim të kuq për “Abuzim Seksual me Fëmijë, Privim të Lirisë së Personit”, u kap në Gjermani.
M.D., i kërkuar me njoftim të kuq për “Mashtrim përmes Sistemeve Informatike”, u kap në Gjermani.
R.Ö., i kërkuar me njoftim të kuq për “Dëmtim me Dashje”, u kap në Irak.
R.Y., i kërkuar me njoftim të kuq për “Grabitet dhe Vjedhje të Rënda”, u kap në Kirgistan.
M.U., i kërkuar me njoftim të kuq për “Abuzim Seksual me Fëmijë, Privim të Lirisë së Personit”, u kap në Kosovë.
O.Y., i kërkuar me njoftim të kuq për “Trafikimin e Emigrantëve”, u kap në Greqi.
İ.D., i kërkuar me njoftim të kuq për “Vrasje me Dashje”, u kap në Bosnje-Hercegovinë.
B.G., i kërkuar në nivel kombëtar për “Dëmtim të Pasurisë, Plagosje, Blerje, Mbajtje dhe Transport të Armëve Pa Leje”, u kap në Azerbajxhan.
M.D., i kërkuar në nivel kombëtar për “Abuzim Seksual me Fëmijë, Privim të Lirisë së Personit”, u kap në Irak.
S.T., i kërkuar në nivel kombëtar për “Blerje, Pranim dhe Mbajtje të Lëndëve Narkotike për Përdorim”, u kap në Itali.
M.S., i kërkuar në nivel kombëtar për “Mashtrim dhe Shkelje të Ligjit Nr. 6136”, u kap në Gjeorgji.
H.M.K., i kërkuar në nivel kombëtar për “Mashtrim”, u kap në Maqedoninë e Veriut.
Autoritetet turke deklaruan se të gjithë anëtarët e organizatave kriminale, trafikantët e drogës dhe kriminelët do të kapen dhe do të dorëzohen para drejtësisë.
Theksojmë se (Njoftim i kuq) – është një urdhër ndërkombëtar i Interpolit për të kapur një person të kërkuar ndërsa (Difuzion i kuq) – është një njoftim më i gjerë ndërkombëtar, shpesh përdoret për shpërndarje të informacionit për persona të kërkuar, por jo domosdoshmërish si urdhër arresti i menjëhershëm.
