Kryetari i VMRO-DPMNE-së Hristian Mickoski tha sot se në takimin me kryeministrin slloven Janez Jansha u është potencuar mbështetjen e qartë të cilën vendi e mori nga Sllovenia në procesin e integrimit evropian, mbështetjen e qartë për VMRO-DPMNE-në dhe rolin e saj të cilën VMRO-DPMNE e ka si parti më e madhe politike.
“Konkluduam se në periudhën vijuese do të plotësojmë dhe intensifikojmë më tej marrëdhëniet midis dy partive motër VMRO-DPMNE dhe Partisë Demokratike Sllovene” paralajmëroi Mickoski pas takimit me Janshën, i cili shoqërohej nga nënkryetari i partisë Aleksandar Nikolloski.
Në takim, siç theksoi kreu i partisë opozitare, u diskutuan zhvillimet aktuale në vendin tonë me fokus kryesor korrupsionin dhe sundimin e së drejtës.
“Ne gjithashtu biseduam për mënyrën në të cilën këtu në Slloveni po ballafaqohen me sfidën më të madhe të njerëzimit për momentin, dhe kjo është pandemia KOVID, por edhe rezultatet dhe unë do të thoja jo-rezultatet e zbatuara nga qeveria jonë në trajtimin e pandemisë në Maqedoni. Ne biseduam për recesionin dhe situatën e vështirë ekonomike në Maqedoni. Duhet të pranoj që pasojat ekonomike të shkaktuara nga pandemia KOVID janë ndjerë edhe këtu në Slloveni, por ato janë larg atyre shkatërruese në vendin tonë në Maqedoni, për shkak të paaftësisë dhe mungesës së vizionit dhe krijimtarisë së qartë në trajtimin e asaj krize ekonomike”, tha Mickoski.
Në Slloveni, Mickoski u takua me kryeministrin Janez Jansha, i cili është gjithashtu kryetar i Partisë Demokratike Sllovene, partia më e madhe dhe partia motër e VMRO-DPMNE-së brenda Partisë Popullore Evropiane. Më parë, Mickoski u takua me kryeministrin hungarez Viktor Orban dhe Oliver Varhei, i cili aktualisht është komisar i zgjerimit dhe vjen nga partia e Orbanit.
