Mickoski: LSDM është subjekt komplet i BDI-së

Kryetari i VMRO-DPMNE-së, Hristijan Mickoski thotë se BDI-së nuk i konvenojnë zgjedhjet e parakohshme parlamentare.

Ai në një intervistë për “Veçer” tha se kjo vjen pasi BDI “situata aktuale në Qeveri nuk do të përsëritet më”.

“E di kujt nuk i konvenon më shumë, është Bashkimi Demokratik për Integrim (BDI), sepse kryesia e kësaj partie është e vetëdijshme se kjo këtë situatë në të cilën funksionojnë në Qeveri, nuk do të ekzistojë më. Sot LSDM është subjekt komplet i BDI-së dhe i politikave të BDI-së, të cilat në këtë moment mund të konstatoj se janë çdo gjë tjetër veçse shtetërore, popullore dhe politika që do të nënkuptojnë përparim, prosperitet për shtetin”, tha mes tjeradsh Mickoski.

I pyetur për mundësinë që BDI dhe LSDM të realizojnë koalicion parazgjedhor, Mickoski thotë se kjo do të shkaktonte përçarje shtesë në LSDM.

“Është vetëm konfirmim i tezës sonë se BDI dëshiron ta gëlltisë LSDM-në. Nuk është larg nga e vërteta që kjo të ndodh. Por kjo do të nënkuptojë vetëm copëtim të mëtejmë të LSDM-së, edhe pse në të kaluarën kanë humbur shumë, sidomos vitin e fundit pas zgjedhjeve lokale. Aty ka shumë anëtarë që nuk e shohin veten në koalicion politik me BDI-në. Dhe kjo do të thotë krijimi i natyrshëm i ndonjë opsioni tjetër, dhe do të mbeten pak, supozoj se lidershipi aktual i LSDM-së, Zeçeviqit dhe Kovaçevskit, të cilët do të vazhdojnë të jenë në prehrin e BDI-së sepse do të jenë partner pakicë”, deklaroi mes tjerash Mickoski.