Kryeministri i RMV-së, Hristijan Mickoski deklaroi se Qeveria nuk është e kënaqur me punën e Këshillit Gjyqësor dhe prokurorit aktual, Ljupço Kocevski.
“Ne nuk jemi të kënaqur si Qeveri me punën e këtij Këshilli Gjyqësor dhe këtij prokurori, dhe është e drejta jonë të mos jemi të kënaqur”, tha Mickoski.
Kryeministri shtoi se pas përfundimit të të gjithë procesit, prokurori do të zëvendësohet.
Ai shtoi gjithashtu se qytetarët besojnë unanimisht se Kocevski nuk po e bën punën e tij mjaftueshëm mirë, dhe buxheti që ai merr është më i madh se 75 përqind e vendeve të BE-së.
Mickoski deklaroi sonte se ai personalisht beson se gjykimi në rastin në diskotekën “Pulse” në Koçan duhet të zhvillohet pa ndikim politik, por paralajmëron se ka parti të caktuara politike që, siç thotë ai, po përpiqen të abuzojnë me vuajtjet e atyre që humbën të dashurit e tyre.
