Mickoski e fton në ballafaqim televiziv Zaevin

Kreu i opozitares, VMRO-DPMNE, Hristian Mickoski nëpërmes rrjetit social “facebook”, i ka kërkuar duel televiziv kreut të LSDM-së, Zoran Zaev.

Mickoski pohon se në dy javët e fundit në adresën e tij kanë arritur dy kërkesa për takim me Zaevin.

“I mirëpres ballafaqimet në TV, unë nuk iki nga ballafaqimi, nuk iki nga e vërteta, kurse Zaev i cili është i obliguar të përgjigjet dhe të ballafaqohet me faktet të cilat përmbajnë të vërtetën. Për mua vlerat dhe principet janë ata që duhet të mbahen në shoqëri, e të vërtetë pa principe nuk ka”, tha Mickoski.