Aktivistja italiane antifashiste e mbajtur në Hungari për sulm ndaj militantëve të ekstremit të djathtë duhet t’i ketë një gjykim të shpejtë, tha të enjten kryeministrja italiane, Giorgia Meloni, duke u futur në një polemikë që po acaron marrëdhëniet mes Romës dhe Budapestit.
Imazhet e Ilaria Salis, 39 vjeçe, duke u çuar në gjykatë të hënën me këmbë dhe duar të lidhura dhe një zinxhir rreth belit shfaqën pakënaqësi në Itali, duke nxitur thirrjet e medias dhe opozitës që qeveria e krahut të djathtë e Romës të bëjë më shumë për ta ndihmuar atë.
Rasti është politikisht i ndjeshëm për shkak të lidhjeve të gjata mes Melonit dhe homologut të saj hungarez Viktor Orban, i cili u takua në Bruksel si pjesë e një samiti të liderëve të Bashkimit Evropian.
“Ajo për të cilën bisedova me kryeministrin hungarez është të siguroj që bashkatdhetarët tanë të trajtohen me dinjitet, respekt dhe t’u jepet)një gjykim i drejtë, dhe do të thoja gjithashtu një gjykim të shpejtë,” u tha Meloni gazetarëve.
“Shpresoj se mund të bëhet më shumë për këtë,” tha ajo.
Salis, një mësuese e shkollës fillore afër Milanos, akuzohet se ka marrë pjesë në një sulm të rëndë ndaj dy militantëve të ekstremit të djathtë nga një grup aktivistësh antifashistë në Budapest shkurtin e kaluar. Ajo u deklarua e pafajshme të hënën.
Prokurorët po kërkojnë një dënim me 11-vjet burg për Salisin, i cili do të dalë në gjykatë më 24 maj.
Meloni u tha gazetarëve se shpresonte se Salis mund të provonte pafajësinë e saj dhe tha se ndërsa në Itali të burgosurit nuk vihen kurrë në zinxhirë dhe pranga, kjo ishte normale në Hungari, shkruan Reuters, transmeton Klankosova.tv.
