Kandidati për kryetar të Komunës së Dibrës nga Koalicionit VLEN, Fisnik Mela, gjatë tubimit qëndror në Dibër ka paraqitur shtatë shtyllat kryesore të programit të tij si kryetar komune, po edhe si ekip i këshilltarëve komunal.
“ Programi jonë është I bazuar në 7 shtylla kryesore:
Përzgjedhja e pikës së parë është “Shërbimet Publike” pasi kjo shtylle synon përmirësimin e cilësisë së jetesës në qytet përmes një menaxhimi efikas dhe të qëndrueshëm të nevojave themelore të qytetarëve. Ku përfshihen:
●Ujin e pijshëm pa ndërprerje,
●Pastërtinë dhe mirëmbajtjen e mjedisit,
●Ndriçimin publik modern dhe efikas,
●Menaxhimin e deponisë,
●Rregullimin e parkingjeve,
●Krijimin dhe gjelbërimin e parqeve publike,
●Përmirësimin e shërbimeve shëndetësore.
Këto masa kanë për qëllim të sigurojnë një qytet më të pastër, më të ndriçuar dhe më të rregullt për të gjithë banorët e qytetit”, ka theksur Mela.
