Me prezantimin e dëshmive shtesë sot në Gjykatën Themelore Penale në Shkup duhet të vazhdojë lënda gjyqësore “Target-Fortesa”.
Në seancën e kaluar, prokuroria dhe mbrojtja paraqitën propozime për prova shtesë që dalin nga seanca kryesore, të cilat u pranuan nga Gjykata.
Mbrojtja propozoi që si dëshmi shtesë eksperti Xvonko Koçovski, të japë ekspertizë se sa është vlera e sistemit për përcjelljen e komunikimeve në ditën e shkatërrimit të tij.
Siç sqaruan nga Prokuroria, për procedurën e dëshmimit ata propozuan që Koçovski të kryejë të njëjtën ekspertizë, por meqë në atë pjesë të procesit licenca e tij për ekspertizë kishte skaduar, Gjykata nuk e miratoi atë.
Për shkak të zgjatjes së licencës së tij, Gjykata në këtë pjesë të procesit e pranoi propozimin e Prokurorisë.
Të pandehurit në këtë rast janë ish-drejtori i DSK-së, Sasho Mijallkov, ish-ministrja e Punëve të Brendshme, Gordana Jankulloska dhe disa punonjës në ish-DSK-së, të cilët akuzohen për përgjime të paligjshme të mbi katër mijë numrave telefonikë midis viteve 2008 dhe 2015.
