Presidenti Stevo Pendarovski me 16 dhjetor do të mbaj fjalim para deputetëve të Kuvendit të Republikës së Maqedonisë së Veriut. Ky do të jetë fjalimi i dytë me radhë i presidentit Pendarovski para shtëpisë ligjdhënëse, i pari para përbërjes së re parlamentare, që kur Pendarovski është zgjedhur në këtë pozitë, respektivisht që prej zgjedhjes së tij në vitin 2019.
Sipas nenit 85 të Kushtetutës, Presidenti i Republikës e njofton Kuvendin për çështjet nën kompetenca të tij, më së paku një herë në vit. Kuvendi mund të kërkojë mendimin e presidentit për çështje që janë nën kompetenca të tij.