Mbi 1 muaj që janë blerë, por autobusët ende nuk kanë nisur të lëvizin nëpër Tetovë!

Për më shumë se një muaj janë blerë autobusët në Tetovë por ende nuk kanë nisur të lëvizin nëpër Tetovë. Sonte në emisionin Click Plus kryetarja e Komunës së Tetovës, Teuta Arifi u shpreh se autobusët do të lëvizin nëpër qytetin e Tetovës shumë shpejtë por pa specifikuar saktësisht se kur.

Teuta Arifi: “Ne kemi autobusët, kemi ndërmarrjen publike për transport që e kemi krijuar të re dhe flasim për gjëra që qyteti nuk i ka pasur përpara dhe që po i bën tani. Dhe nëse dikush mendon se të fillosh nga e para dhe t’i bësh qytetit transport publik nga e para që se ka pasur asnjëherë, t’i sjellësh autobusë që s’i ka pasur”.

TV21: Ju kujtohet për herë të parë kur e keni premtuar transportin publik? Nuk është në zgjedhjet e fundit që e keni thënë se do të kemi transport publik? Dhe nëse i ka 4 vjet një premtim po më thoni që nuk është kurgjo pse erdhën autobusët por si kemi shoferët. Sepse Tetova kurrë s’ka pas transport publik

Teuta Arifi: “Në emisionin e fundit kur folëm ne thamë që jemi në prokurim. Sot pas 5 muajve flasim për gjëra reale dhe për autobusë që janë aty. Në të njëjtën kohë flasim për një procedurë e cila duhet të ecë edhe në punën e angazhimit edhe në punën e regjistrimit edhe punëve tjera teknike që janë pjesë e procesit. Por ajo që dua t’i siguroj qytetarët e mi është fakti që autobusët që nuk i kanë pasur asnjëherë do t’i kenë në rrugët e tyre dhe do t’i kenë në lëvizje në momentin kur tamam do të jenë të saktë dhe si duhet për të lëvizur”./TV21