Mbi 1.600 viktima, tërmete të reja godasin Turqinë dhe Sirinë

DIYARBAKIR, TURKIYE - FEBRUARY 06: Search and rescue efforts continue on collapsed building after 7.4 magnitude earthquake hits Diyarbakir, Turkiye on February 06, 2023. The 7.4 magnitude earthquake jolted southern province of Kahramanmaras of Turkiye early Monday, according to Disaster and Emergency Management Authority of Turkiye (AFAD). It was followed by a magnitude 6.4 quake that struck southeastern Gaziantep province. A third earthquake with a 6.5 magnitude also hit Gaziantep. Earthquakes had affected several provinces including, Osmaniye, Malatya, Adiyaman, Adana, Diyarbakir, Kilis and Sanliurfa. (Photo by Aydin Arik/Anadolu Agency via Getty Images)

Nga tërmetet e fuqishme që goditën Turqinë dhe Sirinë, janë vrarë mbi 1.600 persona.

Presidenti i Turqisë, Recep Tayyip Erdogan, tha se vetëm në shtetin e tij janë regjistruar 912 viktima. Ndërkaq, Siria raportoi për 783 të vdekur.

Tërmeti prej 7.8 shkallësh të Rihterit goditi të hënën juglindjen e Turqisë dhe veriun e Sirisë.

Agjencia për menaxhimin e emergjencave raportoi se të hënën u regjistrua edhe një tërmet i ri prej 7.6 ballësh, afër epiqendrës së tërmetit paraprak vdekjeprurës, duke shkaktuar dridhje të tjera të tokës.

Presidenti turk tha më herët se 5.400 persona janë plagosur, ndërkaq 2.470 të tjerë janë nxjerrë nga rrënojat.

Afër 3.000 ndërtesa janë rrëzuar nga tërmeti, tha ai.

“Për shkak se heqja e rrënojave po vazhdon në shumë ndërtesa që gjenden në zonën e tërmetit, ne nuk e dimë se sa do të rritet numri i të vrarëve dhe të plagosurve”, tha Erdogan.

Ai tha se ka pranuar ndihmë nga rreth 45 shtete të botës.

Afër 9.000 persona po marrin pjesë në operacionet e shpëtimit.

Edhe zyrtarët në Siri kanë raportuar po ashtu për mijëra persona të plagosur.

Sipas autoriteteve të Turqisë, dhjetë qytete turke janë prekur nga tërmeti. Ato janë: Gaziantepi, Kahramanmarashi, Hatai, Osmanije, Adijamana, Malatia, Shanliurfa, Adana, Dijarbakiri dhe Kilisi.