Tenisti italian, Matteo Berrettini, ka konfirmuar fundin e lidhjes me modelen dhe prezantuesen e njohur, Melissa Satta, e cila është 11 vite më e vjetër se ai.
Ata njoftuan lidhjen e tyre në janar të 2023-ës, por së fundmi ka pasur zëra se romanca e tyre ka përfunduar.
Dyshja u panë së bashku për herë të fundit në ‘Australian Open’ në vitin 2024.
Megjithatë, duke qenë se ata nuk ndanë asnjë mesazh publik në ditëlindjen e saj më 7 shkurt dhe në ditën e Shën Valentinit një javë më vonë, ishte e qartë se ata ishin ndarë.
“Mendova se do të më pyesnit këtë. Melissa dhe unë nuk jemi më bashkë”, tha Berrettini në një konferencë për shtyp, siç raportohet nga Corriere dello Sport.
Satta dhe Berrettini ishin në shënjestër të kritikave për shkak të formës në rënie të tenistit italian. Fansat mendonin se Melissa po i largonte vëmendjen dhe fokusin nga tenisi, por pavarësisht kësaj ata qëndruan së bashku për një kohë.
Berrettini së fundmi ka pasur probleme të mëdha me lëndime dhe nuk ka luajtur për gjashtë muaj.
Megjithatë, finalisti i Wimbledon 2021 ka njoftuar një rikthim të afërt dhe do të garojë në Challenger në Phoenix nga 12-17 mars.
Melissa ishte një modele e revistës Maxim në 2015 dhe u shfaq në ‘Sports Illustrated’ në 2010.
Megjithatë, sportdashësit e kujtojnë më së shumti nga lidhja e saj e mëparshme me ish-futbollistin e Milanit dhe Barcelonës, Kevin-Prince Boateng.
Ata u martuan në vitin 2016 dhe kanë një djalë tetë vjeçar të quajtur Maddox. Megjithatë, ata u divorcuan në dhjetor 2020, duke i dhënë fund katër viteve martesë dhe një lidhje nëntëvjeçare.
Foto: Backgrid
