Masa e përkohshme vlen nga data 9 e deri më 31 mars, që ia ndalon Kuvendit dhe Presidentes çdo veprim deri me këtë datë, transmeton Klankosova.tv.
Në emisionin “Ora Shtatë”, opinionistja Aida Dërguti, tha se masa e përkohshme është e drejtë.
“Meqë i janë drejtuar Gjykatës mendoj që masa e përkohshme është vendosur drejt, domethënë duke armotizuar që të dyja palët për një periudhë deri të shqyrtohet, edhe dekretin, por njëkohësisht edhe Kuvendin”, tha Dërguti në Klan Kosova.
Me Dërgutin u pajtua edhe juristja Doruntina Meha.
“Besoj që Gjykata i ka pezulluar të dyja, për shkak që ne do të shkojmë në zgjedhje padyshim, por do ta sqarojë procedurën se si do të shkojmë në zgjedhje”, u shpreh Meha.
Nga ana tjetër, gazetari Valon Rushiti pretendoi se presidentja Vjosa Osmani “u ngut kur u shpërndau Kuvendin e Kosovës”.
