Ministrja e Punës dhe Politikës Sociale Jovanka Trençevska, për TV24 tha se pakoja prej 26 masash që është miratuar nga Qeveria tregon kujdes për të gjithë qytetarët dhe kompanitë, duke shtuar se ata janë me theks të veçantë për të ndihmuar kategorinë sociale të qytetarëve.
Ajo theksoi se nga pakoja kundër krizës prej 400 milionë euro, përfituesit e ndihmës minimale të garantuar, do të marrin ndihmë prej 1.000 denarë në tre muajt e ardhshëm, gjë që do të kushtojë rreth njëqind e dhjetë milionë denarë.
“Kjo masë nënkupton se 36.000 amvisëri në muajt mars, prill dhe maj me pagesën e kompensimit në qershor do të marrin 1.000 denarë shtesë ose gjithsej 3.000 denarë më shumë në buxhetin familjar. Me këto mjete ndihmojmë edhe përfituesit e ndihmës minimale të garantuar për të zbutur pasojat e krizës”, tha ministrja Trençevska.
Ajo informoi se me 400 milionë euro të dedikuara për ndihmë për qytetarët, buxheti mbetet stabil, sepse të gjitha ministritë kanë marrë pjesë në projeksionet e masave të qeverisë.
