Sadio Mane është shprehur i lumtur në ekipin e tij të ri.
Anësori senegalez kaloi merkaton e verës nga Liverpool drejt gjigantit gjerman, Bayern Munich.
Disa medie raportuan se ai nuk është i lumtur në ‘Allianz Arena’, por lojtari e mohon një gjë të tillë.
Mane shpreh se ka nevojë për kohë që të ambientohet, por është shumë i lumtur te Bayerni.
“Ndryshimi i klubit nuk është i lehtë. Kam kaluar tetë vite shumë të këndshme në Angli, dy në Southampton dhe gjashtë në Liverpool. Tani, unë jam në një vend të ri. Nuk është e lehtë, sepse gjithçka ndryshon shumë papritur: njerëzit, skema… gjithçka.
Më duhet të përshtatem. Njerëzit këtu janë mikpritës dhe ata janë lojtarë të vërtetë. Njerëzit në klub janë të mrekullueshëm, kështu që unë jam shumë i lumtur”, tha Sadio.
Në 10 ndeshje sa ka zhvilluar gjithsej, 30 vjeçari ka katër gola.
