Lyoni bën ofertë shumë më të madhe se Milani për Christian Pulisic

Christian Pulisic ka vendosur të largohet nga Chelsea pas katër viteve të kaluara në Stamford Bridges.

Sulmuesi amerikan nuk kishte hapësirat e duhura sezonin e kaluar, por edhe vuajti nga disa lëndime gjë që bëri të mos luaj shumë me fanellën e The Blues.

24-vjeçari këtë edicion ka zhvilluar 30 ndeshje me fanellën e Chelseat duke realizuar vetëm një gol dhe duke asistuar në dy të tjerë.

Milan thuhet se ka një marrëveshje me lojtarin, por ende është shumë larg që ta arrijë një gjë të tillë edhe me Chelsean.

Rossonerët kanë ofruar vetëm 14 milionë euro, shumë e ulët nga kërkesat që ka Chelsea.

Së fundmi Lyon është futur fuqishëm në garë për amerikanin dhe ka bërë një ofertë dukshëm më të lartë se gjiganti italian.

Sipas The Athletic, Lyon ka ofruar hiq më pak se 24 milionë euro për lojtarin, ofertë që ka kënaqur drejtuesit e Chelseat.

Milan duhet tani të ngritë ofertën, në të kundërt Pulisic mund të përfundojë në Ligue 1 te Olympique Lyon.