Grupi militant palestinez Hamas ka publikuar pamjet e betejës së ashpër në jug të Rripit të Gazës, ku shihen pjesëtarët e këtij grupi duke shkrepur predha mbi mjetet e blinduara izraelite dhe marrin pjesë në luftime të ashpra.
Në video mund të shihen pjesëtarët e Brigadës Izz ad-Din Qassam duke gjuajtur mjetet e izraelitëve në Gazë, kurse në fund të video shihet sesi kanë arritur të kapin një mjet të blinduar të IDF-së izraelite.
Hamasi përdori predhat Yassin-105 që janë prodhuar brenda Rripit të Gazës, e pamjet e luftimeve janë realizuar në Khan Younis në jug të Rripit të Gazës.
Izraeli javën e kaluar vazhdoi ofensivën ushtarake në Rripin e Gazës, pas përfundimit të armëpushimit njëjavor me Hamasin.