Pentagoni ka krijuar një linjë të drejtpërdrejtë komunikimi me Ministrinë Ruse të Mbrojtjes për të parandaluar “gabimet, incidentet ushtarake dhe përshkallëzimin e situatës” në rajon derisa pushtimi i Ukrainës nga Rusia po vazhdon.
Lajmi u publikua nga Reuters duke cituar një zyrtar amerikan.
“Departamenti i Mbrojtjes krijoi më 1 mars një linjë de-konflikti me Ministrinë e Mbrojtjes së Rusisë me qëllim të parandalimit të gabimeve e incidenteve ushtarake”, tha zyrtari i lartë i mbrojtjes amerikane në kushte anonimiteti.
Lajmi fillimisht ishte raportuar nga NBC.
Rusia nisi pushtimin e Ukrainës më 24 shkurt 2022.