Sipas mediave gjermane, rreth Karim Adeyemit, sulmuesit të Borussia Dortmund, po shtohen zërat për një largim nga klubi, ndonëse ai sezonin e tanishëm pritet ta vazhdojë me Dortmundin.
Sipas raportimeve, arsye e përfolur për dëshirën e transferimit lidhet me jetën private të çiftit: bashkëshortja e tij, këngëtarja Loredana Zefi, thuhet se dëshiron të jetojë në një metropol më të madh evropian me më shumë mundësi biznesi dhe argëtimi, gjë që mund të ketë ndikuar te Adeyemi për të kërkuar largimin nga Dortmund, shkruan Bild.
Megjithatë, vetë Loredana ka reaguar ndaj këtyre thashethemeve, duke mohuar publikisht se ajo po e shtyn Adeyemin drejt largimit — përmes një komenti në TikTok ajo i quajti teoritë e tilla “të pavërteta”.
