Këngëtarja e njohur neozelandeze, Lorde, u detyrua të anulonte koncertin e saj në Rockhal të Luksemburgut vetëm disa orë para se të dilte në skenë, pasi u sëmur rëndë nga helmimi me ushqim.
Artistja 29-vjeçare, emri i vërtetë Ella Yelich-O’Connor, njoftoi përmes Instagramit se ishte “shumë e sëmurë” dhe “mezi qëndronte në këmbë”.
“Luksemburg, më vjen shumë keq t’ju njoftoj se u helmova pamëshirshëm nga ushqimi dhe jam ende shumë e sëmurë për të performuar”, shkroi ajo. “Kam pushuar gjithë ditën, por mezi ngrihem në këmbë, dhe ju meritoni më shumë”, shkruan DailyMail.
