Lidhja Europiane për Ndryshim: Lista e Zezë po zgjerohet me të korruptuarit e pushtetit

Lidhja Evropiane për Ndryshim ka reaguar në lidhje me futjen në listën e zezë amerikane të ish zëvendëskryeministrit, Koço Angjushev, përcjell KlanM. Sipas opozitës shqiptare, SHBA po zbardh fytyrën e pushtetit, sipas tyre, kriminal.

“Aleati dhe miku më i madh i shqiptarëve, Shtetet e Bashkuara të Amerikës, për çdo ditë po zbardhin fytyrën kriminele të pushtetit aktual që udhëhiqet nga BDI, LSDM dhe paterica ASH. Me vendosjen në Listën e zezë edhe të ish-zëvendëskryeministrit dhe biznesmenit më të afërt të pushtetit Koço Angjushev, u dëshmua se shumica e funksionarëve dhe ish-funksionarëve të këtij pushteti, ose drejtpërdrejtë janë të mbytur në korrupsion, ose po e mbështesin në mënyrë indirekte krimin”, thuhet në reagimin e LEN.

Opozita shqiptare po falënderon SHBA-në për, siç thonë ata, nxjerrjen në pah të të korruptuarive. LEN iu bën thirrje institucioneve që të mos flejnë dhe të hulumtojnë rastet e përmendura nga DASH.

“I ashtuquajturi Fronti Europian, nuk ka guxim të distancohet as nga Ramiz Merko, ndërsa vazhdon që Koço Angjushevit ti jepë hapësirë të marrë ende tenderë nga shteti, dhe ta shfaq në opinion si zemër gjërë, duke pranuar gjoja donacione për institucionet e shtetit nga kompanitë e tij. Edhe pse e dimë se bizneset e tijë miliona euro kanë fituar nga paratë e qytetarëve. Pushteti duhet të përgjigjet saktë se, kush do të mbajë përgjegjësi për Spitalin Modular, për ata që u dogjën për së gjalli dhe mos reagimin e institucioneve të vendit për të gjitha krimet që janë bërë? Ku janë, Islam Abazi si shef i Prokurorisë për Krim të Organizuar dhe Valdet Xhaferi, drejtor i byrosë për ekspertizë gjyqësore? Edhe sa jetë duhet të humben, edhe sa duhet të varfërohen qytetarët, edhe sa të rinj duhet të ikin, që pushteti të dalë nga krimi dhe të sjellë drejtësi?”, përfundon reagimi i Lidhjes Evropiane për Ndryshim./KlanMacedonia