Sulmuesi polak i Bayern Muenchenit, Robert Lewandowski ka konfirmuar se Cristiano Ronaldo e Sergio Ramos para tri vjetëve i kishin bërë thirrje t’i bashkohet Realit.
Por, Lewandowski insiston se është në klubin më të mirë në botë.
“Po është e vërtetë. Por, unë kam qenë në gjendje të arrijë në nivelin maksimal te klubi ku jam dhe dua të vazhdojë të jap më të mirën. Unë jam në klubin më të mirë në botë dhe mund të jem i lumtur këtu ku jam. Çdo gjë është më e lehtë në një klub si ky”, ka thënë Lewandowski në një intervistë për “Sport” kur është pyetur për kontaktin që pati me yjet e futbollit, transmeton Koha.net.
Lewandowski 31-vjeçar në 33 ndeshje ka shënuar 39 gola dhe asistuar pesë tjerë.
