Një grup i madh i emigrantëve është vërejtur në qytetin grek Polikastro në afërsi të kufirit me Maqedoninë e Veriut, shkruan portali informativ i Selanikut “Voria”, dhe publikoi video të grupit se si lëviz paralelisht me hekurudhën, lajmëroi korrespondentja e MIA-s nga Athina.
Portali shtoi se ekzistojnë raste edhe kur emigrantët vendosin tenda në afërsi të kufirit, duke pritur mundësi ilegalisht të dalin nga Greqia.
Prefekti i komunës Peania Kostas Sionidis për “Voria” konfirmon se ekziston lëvizshmëri dhe thotë se situata përkujton në atë të vitit 2015.
“Ekziston valë e rritur e vazhdueshme e njerëzve drejt Idomenit. Frikohemi se rrethanat aktuale mund të sjellin në situatë të ngjashme me atë të vitit 2015”, thotë prefekti i Peonia, Kostas Sionidis.
Sipas informatave të korrespondentes së MIA-s nga Athina, nuk bëhet fjalë për dukuri të re, por në mënyrë periodike në afërsi të kufirit tonë, vërehen grupe më të vogla të emigrantëve ose individë, në përpjekje për të gjetur mënyrë ilegale të dalin nga Greqia./MIA
