Një klip nga një seancë stërvitore në Manchester United tregon se i riu Hannibal Mejbri po i kalone me lehtësi disa anëtarë të skuadrës së ekipit të parë, përfshirë mesfushorin Fred.
Mejbri, i cili është vetëm 18 vjeç, shihet duke mahnitur brazilianin me këmbë tmerrësisht të shpejta para se ta pasojë topin te Donny van de Beek.
I riu pastaj merr topin nga ky i fundit dhe kalon afër Fredit, për ta futur topin më pas në rrjetë.
Ka shpresa të mëdha për Mejbrin në Old Trafford. Duke impresionuar në Monaco, mesfushori rrëmbeu interesimin e Djajve të Kuq, për ta realizuar më pas transferimin në vitin 2019, për një tarifë që thuhet se ishte midis 5 dhe 10 milionë euro.
Ai bëri debutimin e tij me ekipin e parë në ditën e fundit të sezonit të kaluar në Ligën Premier, duke zëvendësuar Juan Matan gjatë fitores 2-1 ndaj Wolves.
Krahasimet janë bërë mes stilit të Mejbrit dhe atij të bashkatdhetarit Paul Pogba, i cili gjithashtu depërtoi në akademinë e United.
Mejbri do të shpresojë të ndjekë gjurmët e lojtarëve të tillë si Jesse Lingard, Marcus Rashford dhe Mason Greenwood, të cilët të gjithë kanë dalë nga akademia e United dhe janë vendosur si yje të ekipit të parë. /Telegrafi/
