I dërguari i BE-së për dialogun Kosovë-Serbi, Miroslav Lajçak, në një konferencë për media foli për zgjedhjet e 3 prillit në Serbi, për të cilën çështje tha se ka bërë diskutime me udhëheqësit e Kosovës.
“Kemi pasur diskutime fillestare, kjo nuk është çështje e dialogut, nuk ka marrëveshje në dialog që aranzhon organizim e zgjedhjeve, por nuk ka dyshim se çfarëdo vendimi që merret për zgjedhjet do të ketë ndikim në dialog”, tha Lajçak, përcjell Klankosova.tv.
“Në parim njerëzit duhet të kenë të drejtë të marrin pjesë në procese demokratike dhe të kenë të drejtën për të votuar”, tha tutje Lajçak në konferencën e përbashkët me të dërguarin e ShBA-së, Gabriel Escobar.
