Juria e “X Factor Albania” deri më tani ka qenë e përbërë nga artistët: Elhaida Dani, Arilena Ara, Young Zerka dhe Adi Krasta që nga nisja e programit, megjithatë duket se këtë javë do të kemi ndryshime.
Regjisorja e talent show-t, Vera Grabocka, ka publikuar një foto nga provat e sotme, që janë provat gjenerale, ku vihet re se mungon Elhaida, madje shihet se është e pranishme këngëtarja e njohur Manjola Nallbani.
Ende nuk dihet nëse Manjola do të jetë vetëm këtë herë, apo do të vazhdojë këtë rrugëtim, ndërsa po ashtu nuk dihet arsyeja e mungesës së Elhaidës.
Megjithatë presim të shohim si do shkojë rrugëtimi i Manjolës, që sigurisht është një vlerë e shtuar për programin.
